قێریەک ژ کەلها خەونان یا هەرفتی

هەرچەندە پەنجەر هەمی ددا ئێخستی بوون ژی بەلێ هەتا ڤێ گاڤێ تۆ نزانی دەنگێ کەنییێ ژ کیڤە دەردکەفت

تە ددلێ خۆ دا گوت خۆزی مامۆستایێ من یێ فیزیایێ ل ڤێره با گوتبا من هێزا دەنگی چەندە ، چاوا پەنجەرێن گرتی ژی نەشێت رێگریێ ل بلندیا وی بکەن

هندەک تشت بۆ تە د نەخۆشن ژی بەلێ هەر تۆ خۆ ب سەرڤە نابەی ، وەکی وێ پشتا قامچی ڤێ دکەڤن ، و بارەکێ سماقێ ژی ل تیکا دبیتە مێڤان ، بەلێ خودانی مافێ قێریان نینە ، ئەگەر دێ قامچیێن پەیڤان پتر لێ هێن

شڤێدی بوو ئەرێ ب دروستی شڤێدی سالڤەگەرا دەهـ سالیا ئەنفالکرنا هیڤێن تە بوو ، ببەر ئاڤێدا چوونا ئۆمێدێن تە ئەوێن تە ل قولاچێن مزگەفتێ ، دناڤ پەرێن دەفتەران دا ، دناڤ پەرێن پرخیچ و میچێن پەرتۆکان دا دناڤ دەنگێن بێ ئۆمێدکەرێن مامۆستایان دا دچاندن ، هەر شڤێدی دگەل دەنگێ کەنیا ب ترانە نە بتنێ بیرهاتنێن تە زڤرین ، روندک و ئێشانێن تە ژی کنجرێن خۆ ل پشتا خو کرن و ڤەگەریانە کاڤلە گوندێ دلێ تە

بیرا تە دهێت هەکو ئەم سەرکەفتین و تۆ شکەستی ؟

دەنگێ کەنییێ

تە ژی سەرێ خۆ چاماندە شاشەیا موبایلا خۆ ، ئاخینکان

وەکی خۆ نیشاندەرێن تۆرە قەستا هەناسەیا تە کر ، یا ژ تەڤە کەسێ روندکان تە نەدیت

ئاها تۆ بڤێ هزرکرنێ یێ درست بوی ، ئەرێ نێ چاڤێن وان ل وی ئاستی نینن روندکان ببینن