دەستپێکەکا نوی

ل ژێر دروشمێ "پاراستنا ناسنامە و داهێنانا جڤاکێ کوردی ل دیاسپۆرایێ"، و ب هەلکەفتنا دەستپێکرنا وەشانا گۆڤارا (کورد دیاسپۆرا) ئەوا کو ل ڕێکەفتی٢٠٢٦/٥/٢٦ سالڕوژا دەسپکرنا شوڕەشا گولانێ هاتیە ڕاگەهاندن؛ دەستەیا کارگێڕیا گۆڤارێ ب هەماهەنگی دگەل "پەیمانگەها ئارارات"، ل ڕێکەفتی ٢٠٢٦/٦/١٧"، چالاکیەکا ژ هەژی ل هولا پەیمانگەهێ ئەنجامدا.

بڕگێن چالاکیێ پێکهاتبوون ژ؛

1. پەیڤا ڕاگڕێ پەیمانگەها تەکنیکی یا ئارارات "پ.هـ.د.ادريس علي حسن".
2. پەیڤا سەرنڤێسەر و ڕێڤەبەرێ دیجیتال میدیایا کورد دیاسپورا"مەتین وەرمێلی".
3. سمینارەک لژێر ناڤێ(دوهی شوڕەش ئەڤرۆ پێکڤەژیان سوبە دەولەتسازی) ژلایێ"عبدالعزیز محسن بارزانی".
4. سمینارەک لژێر ناڤێ(سوشیال میدیا و بهایێن پاراستنا شوڕەشا گولانێ ژلایێ"هلکەفت عبدالواحد".
5. رۆنکرنەک لسەر بەشێن وێبسایتێ دیجیتال میدیایا کورد دیاسپورا لسەر شاشێ.
6. دیاریکرنا پەرتوکا خودانا ئیمتیازا دیجیتال میدیایا کورد دیاسپورا،" لیلا ئەسکندەر"، ئەوا بناڤێ" ڕێگای بارزانی" بسەر ئامادەبویان دا.

ئەم ژ دل سوپاسیا وێ پێشوازیا گەرما خەلکێ خۆ دکەین، ژ هەمی چین و توێژان، ب تایبەت نڤێسەر و رەوشەنبیر و ئەکادیمی و قوتابیان، سوپاس بو ئامادەبوونا وان، هەروەسا سوپاسیەکا تایبەت بو ئامادەبوونا کاریگەر یا تورا دلسوزێن ڕێبازا بارزانی، براستی ئەم ب دلسوزیا وان د سەرفەراز و شانازین..

کارگێریا دیجیتال میدیایا"کورد دیاسپورا"